«ՀայՓոստ»-ի անվան և ապրանքային նշանի շահարկմամբ մարդկանցից բանկային տվյալների կորզման փորձեր են արվում

«ՀայՓոստ»-ը կրկին ահազանգ է ստանում  իր անվան և ապրանքային նշանի շահարկմամբ մարդկանցից բանկային տվյալների կորզման փորձերի մասին: Ընկերության ֆեյսբուքյան էջում այս մասին հետևյալ գրառումն է արված.

«Կրկին ահազանգ ենք ստանում, որ ՀայՓոստի անվան և ապրանքային նշանի շահարկմամբ մարդկանցից բանկային տվյալների կորզման փորձեր են արվում:

Անհայտ անձանց կողմից փորձ է արվում քաղաքացիներից խարդախությամբ գումար շորթել:

ՀայՓոստը տվյալ հաղորդագրությունների հետ որևէ առնչություն չունի:

Հորդորում ենք նման հաղորդագրություն ստանալիս անձնական, բանկային քարտերի կամ այլ որևէ տվյալ չտրամադրել։

ՀայՓոստի ծառայությունների ու առաջարկների վերաբերյալ տեղեկություններ ստանալու համար հորդորում ենք օգտվել բացառապես պաշտոնական աղբյուրներից՝

մեր կայքը՝ https://www.haypost.am/,

ֆեյսբուքյան էջը՝ https://www.facebook.com/haypost.am

ինստագրամյան էջը՝ https://www.instagram.com/haypost.official/

(010)514-514»: