Կորոնավիրոսը 70 տոկոսով «սպանող» պատրաստուկ են հայտնաբերել

Հետազոտողների միջազգային խումբը պարզել Է, որ ֆենոֆիբրատ պատրաստուկը եւ նրա ակտիվ ձեւը՝ ֆենոֆոբրինային թթվածինը, կարող են ոչնչացնել SARS-CoV-2 կորոնավիրոսը մարդու բջիջներում: Այդ մասին ասվում Է Frontiers in Pharmacology հանդեսում հրապարակված հոդվածում:

Ֆենոֆիբրատը դեղամիջոց Է, որն օգտագործվում Է սիրտ-անոթային հիվանդությունների ռիսկի խմբի մեջ մտնող հիվանդների խոլեստերինը նվազեցնելու համար: Գիտնականները դրան ուշադրություն են դարձրել այն պատրաստուկը գտնելու ժամանակ, որը կարող Է խախտել կորոնավիրուսի սպիտակուցային փուշը ACE2 բջջային ռեցեպտորների հետ կապվելու հնարավորությունը: Բջջային կուլտուրաների լաբորատոր գիտափորձերը ցույց են տվել, որ ֆենոֆիբրատը կարող Է վիրուսային բեռնվածությունը նվազեցնել 70 տոկոսով:

Դրա հետ մեկտեղ նա նույն արդյունավետությունն Է ցույց Է տվել SARS-CoV-2-ի շտամների մեծամասնության դեմ: Բայց կորոնավիրուսի «դելտա» շտամի նկատմամբ նրա արդյունավետությունը դեռեւս ուսումնասիրվում Է: Գիտնականները նշել են, որ ֆենոֆիբրատը շատ Էժան Է եւ հասանելի ամբողջ աշխարհում, ուստի եկամտի ցածր եւ միջին մակարդակ ունեցող երկրներում, ինչպես նաեւ այն հիվանդների համար, որոնց հանձնարարված չԷ պատվաստումը, այն կարող Է շատ օգտակար լինել: Ավելի վաղ հայտնի Է դարձել, որ պարազիտների դեմ միջոցները կարող են հաջող դեղամիջոց դառնալ կորոնավիրոսի տարածման դեմ պայքարում, հաղորդել Է ՌԻԱ Նովոստին: