Իսպանական «Վիլյառեալի» նախկին ֆուտբոլիստին մահացած են գտել
Իսպանական «Վիլյառեալ» ակումբի պահեստային թիմի նախկին ֆուտբոլիստ 25-ամյա Ֆրանկո Ակոստային մահացած են գտել Ուրուգվայում: Այս մասին տեղեկացնում է Football-espana պորտալը:
Ուրուգվայցի հարձակվողը անհայտ կորել է 2 օր առաջ, երբ եղբոր հետ փորձել է լողալ Արոյո Պանդո գետով, որը գտնվում է Կանելոնեսի շրջանում:
«Մենք խոր ցավ ենք ապրում կորստից: Մենք միշտ կհիշենք քեզ, Ֆրանկո»,- նշել է ակումբը Twitter-ի իր էջում:
Կարծիքներ