Արցախի ԱԺ նախագահն աշխատանքային խորհրդակցություն է հրավիրել
Սեպտեմբերի 9-ին Արցախի Հանրապետության Ազգային ժողովի նախագահ Արթուր Թովմասյանն ԱԺ նախագահի տեղակալի, մշտական հանձնաժողովների նախագահների, խմբակցությունների ղեկավարների և աշխատակազմի պատասխանատուների մասնակցությամբ հրավիրել է աշխատանքային խորհրդակցություն: Այս մասին հայտնում են ԱՀ ԱԺ լրատվության և հանրության հետ կապերի բաժնից:
Խորհրդակցության ընթացքում քննարկվել են ԱԺ 7-րդ գումարման 3-րդ նստաշրջանի օրակարգում շրջանառվող օրենքների նախագծերի նախապատրաստական աշխատանքները: Գլխադասային հանձնաժողովների նախագահներն ԱԺ նախագահին են ներկայացրել հանձնաժողովներում օրինագծերի շուրջ տարվող աշխատանքների ընթացքը:
Առաջիկայում հրավիրվելու են հանձնաժողովների նիստեր, որտեղ կքննարկվեն ներկայացված նախագծերը:
Խորհրդակցության ընթացքում քննարկվել են նաև այլ հարցեր:
Կարծիքներ