Մեծ պատիվ ու պատասխանատվություն է շարունակել հորս մարդասիրական առաքելությունը հիմնադրամի միջոցով. Նիկոլա Ազնավուրը նշում է տարեդարձը

Մեծ պատիվ ու պատասխանատվություն է շարունակել հորս մարդասիրական առաքելությունը հիմնադրամի միջոցով. Նիկոլա Ազնավուրը նշում է տարեդարձը

Մեծանուն շանսոնյե Շառլ Ազնավուրի որդի, «Ազնավուր» հիմնադրամի համահիմնադիր և հոգաբարձուների խորհրդի նախագահ Նիկոլա Ազնավուրն օգոստոսի 5-ին նշում է 45-ամյակը:

«Արմենպրես»-ի հաղորդմամբ՝ «Ազնավուր» հիմնադրամը շնորհավորել է նրան՝՝ մեջբերելով Նիկոլա Ազնավուրի՝ Շառլ Ազնավուրի մասին խոսքերը.

«Հայրս երբեք խորհուրդներ չի տվել՝ նույնիսկ իր երեխաներին։ Նա սովորեցնում էր օրինակով։ Հենց օրինակով էլ նա մեզ է փոխանցել եռանդուն աշխատանքի կարևորությունը։  Հորս կյանքում առանցքային նշանակություն ուներ մարդկանց հետ իր ունեցածը կիսելու և ապրումակցելու կարողությունը, ահա թե ինչու էր նա ցանկանում «Ազնավուր» հիմնադրամի շուրջ միավորված տեսնել նրանց, ովքեր ևս կրում են այդ արժեքները։ Ինձ համար մեծ պատիվ ու պատասխանատվություն է կարողանալ շարունակել նրա մարդասիրական առաքելությունը հիմնադրամի միջոցով»։

Հիմնադրամը Նիկոլա Ազնավուրին շնորհակալություն է հայտնել նվիրումի և կատարած մեծ աշխատանքի համար։

Հետևեք մեզ նաև Տելեգրամում