Զելենսկին Ուկրաինայում «Google-ի և Facebook-ի հարկ սահմանելու մասին» որոշում է ստորագրել

Ուկրաինայի նախագահ Վլադիմիր Զելենսկին ստորագրել է հունիսի 3-ին խորհրդարանի ընդունած օրենքը, համաձայն որի Ուկրաինայում էլեկտրոնային ծառայություններ մատուցող արտասահմանյան ընկերությունների համար ԱԱՀ է ներդրվում։

Ինչպես հաղորդում է «Արմենպրես»-ը՝ վկայակոչելով «ՏԱՍՍ»-ը՝ այդ ընկերություններից են Google-ը, Facebook-ը, Viber-ը և այլն:

Էլեկտրոնային ծառայությունները, որոնք ոչ ռեզիդենտ ընկերությունները ֆիզիկական անձանց մատակարարում են Ուկրաինայի տարածքում, այժմ հարկվելու են 20 տոկոս ԱԱՀ-ով: Դրա համար ոչ ռեզիդենտ ընկերությունները ներառվում են Ուկրաինայում հարկ վճարողների ցանկում։

Փաստաթղթի հեղինակ, Գերագույն ռադայի ֆինանսների, հարկային և մաքսային քաղաքականության հարցերով կոմիտեի ղեկավար Դանիիլ Գետմանցևը հայտնել է, որ նախկինում՝ ամեն տարի, միայն գովազդային ծառայություններից, երկրի բյուջե մուտք չի գործել 3 մլն ուկրաինական գրիվնա (շուրջ 106․5 մլն ԱՄՆ դոլար)։