Ժոան Լապորտան վստահ է, որ «Բարսելոնան» կհաղթի Լա լիգան, եթե…

Ժոան Լապորտան վստահ է, որ «Բարսելոնան» կհաղթի Լա լիգան, եթե…

«Բարսելոնայի» նախագահ Ժոան Լապորտան վստահ է, որ ակումբը կհաղթի Լա լիգան:

«Վալենսիայի դեմ խաղից առաջ ես արդեն ասել եմ, որ մենք վստահ ենք, որ հաղթելու ենք Լա լիգան, եթե հաղթենք մնացած հինգ հանդիպումներում: Հիմա ոչ թե հինգն է մնացել, այլ չորսը: Եթե ​​մենք հաղթենք այս հանդիպումներում, մենք չեմպիոն կդառնանք: Ես հավատում եմ թիմին»,-Լապորտային մեջբերում է Marca-ն:

«Բարսելոնան» վաստակած 74 միավորով Իսպանիայի առաջնության մրցաշարային աղյուսակի երրորդ տեղում է: Առաջատարը «Աթլետիկոն» է, որն ունի 76 միավոր: Երկրորդը «Ռեալն» է (74): 2020/2021 մրցաշրջանի մնացած խաղերում «Բարսելոնան» ուժերը կչափի «Աթլետիկոյի», «Լևանտեի», «Սելտայի» ու «Էյբարի» հետ:

«Բարսելոնա»- «Աթլետիկո» խաղը տեղի կունենա մայիսի 8-ին: Հաղթանակի դեպքում կատալոնացիներն Իսպանիայի առաջնության մրցաշարային աղյուսակում կշրջանցեն Դիեգո Սիմեոնեի թիմին:

Բուքմեքերական ընկերությունները «Բարսելոնայի» հաղթանակը գնահատում են 1,80 գործակցով, ոչ ոքին՝ 3,85, իսկ «Աթլետիկոյի» հաղթանակը՝ 4,70։