ԱՄՆ-ում գիտնականը ներկայացրել է կորոնավիրուսի ծագման նոր տարբերակ

Կորոնավիրուսն ի սկզբանե կարող էր զարգանալ չինացի հանքափորի օրգանիզմում, որը հիվանդացել էր 2012 թվականին, ասում է Bioscience Resource Project ամերիկյան ընկերության գործադիր տնօրեն Ջոնաթան Լաթեմը: Այդ մասին շաբաթ օրը հաղորդել է The Daily Telegraph-ը։

Ինչպես գրում է թերթը, նա նաև նշել է, որ վիրուսը կարող է բազմիցս փոխվել՝ երկար ժամանակ գտնվելով մարդու օրգանիզմում:

«Հարյուրավոր մուտացիաներ են տեղի ունեցել մեկ հանքափորի մոտ, ինչը կարող է հանգեցնել Sars-Cov-2 վիրուսի ձևավորմանը: Տասնամյակները տեղավորվել են մոտ վեց ամսվա մեջ: Ըստ մեր տեսության՝ էվոլյուցիան տեղի է ունեցել թոքերում՝ հանքափորների առեղծվածային հիվանդությունից հետո՝ 2012 թ., և վիրուսը, որը արտահոսել էր [Ուուանի լաբորատորիայից], նման էր բռնկման ընթացքում վարակված հանքափորներից ստացված բժշկական նմուշին», - մեջբերում է թերթը Լաթհամի խոսքերը: