Փոխքաղաքապետ Գևորգ Սիմոնյանն ազատ կարձակվի
Վերաքննիչ դատարանի դատավոր Սերգեյ Մարաբյանը հրապարակել է Երևանի փոխքաղաքապետ Գևորգ Սիմոնյանի խափանման միջոցի մասին որոշումը: Գևորգ Սիմոնյանի կալանքը վերացվել է, կալանքի համար անհրաժեշտ հիմնարար կասկածի շեմը դատարանը համարել է չհաղթահարված և ազատ է արձակել գրեթե 2 ամիս կալանքի տակ գտնվող փոխքաղաապետին:
Հիշեցնենք, որ ըստ ՀՀ հակակոռուպցիոն կոմիտեի՝ քննվող քրեական վարույթով կատարված նախաքննությամբ փաստական տվյալներ են ձեռք բերվել այն մասին, որ Սիմոնյանը, 2020-2022 թթ. ընթացքում զբաղեցնելով ՀՀ առողջապահության նախարարի տեղակալի պաշտոնը, անձնական շահագրգռվածությունից ելնելով, չի կատարել իր ծառայողական պարտականությունները, որի հետևանքով էական վնաս է պատճառվել պետության օրինական շահերին:
Կարծիքներ