«Արարատ»-ը ստուգողական խաղում հաղթել է «Վան»-ին

Երևանի «Արարատ»-ը Ձորաղբյուրի մարզաբազայում փետրվարի 3-ին ստուգողական հանդիպում է անցկացրել «Վան»-ի հետ և հաղթանակ տարել 3:0 հաշվով:

Խաղն անցել է հետևյալ ձևաչափով՝ չորս խաղակես՝ 30-ական րոպե տևողությամբ:

Առաջին երկու կեսերից հետո «Արարատ»-ը երկու գնդակի առավելություն է ստացել Ռանսոմ Իբեհի և Կասիմ Հաջիի գոլերի շնորհիվ:

Երրորդ և չորրորդ կեսերում «Արարատ»-ը խաղացել է հիմնականում երկրորդ թիմի ֆուտբոլիստներով և կարողացել է երրորդ գնդակը խփել: Արամ Ասլանյանի փոխանցումից հետո աչքի է ընկել Կալիֆալա Դումբիան:

Խաղավերջում «Վանը» կարող էր կրճատել հաշվի տարբերությունը, սակայն վստահ է խաղացել երևանյան ակումբի դարպասապահ Նեմանյա Լեմահիչը՝ հետ մղելով 11-մետրանոց հարվածը: