«Նորավանք»-ի ֆուտբոլիստը միացել է «Արարատ-Արմենիա»-ին

«Նորավանք»-ի ֆուտբոլիստը միացել է «Արարատ-Արմենիա»-ին

«Արարատ-Արմենիա» ակումբին է միացել նիգերիացի 21-ամյա հարձակվող Տենտոն Յեննեն:

«Արմենպրես»-ի հաղորդմամբ` այս մասին հայտնում է ակումբի մամուլի ծառայությունը: 

Կարիերան սկսելով հարազատ Նիգերիայում՝ Տենտոնն իր ֆուտբոլային կենսագրության մեծ մասն անցկացրել է Սլովակիայում, որտեղ հանդես է եկել «Տրենչինի» մինչև 19 տարեկանների թիմում, ինչպես նաև 2-րդ լիգան ներկայացնող «Ժիլինա-2»-ում և Ֆորտունա լիգան ներկայացնող «Սենիցայում»։

Երիտասարդ ֆուտբոլիստը նաև Հայաստանի Պրեմիեր Լիգայում հանդես գալու փորձ ունի. Տենտոնի վերջին ակումբը Վայոց Ձորի «Նորավանքն» էր, որի կազմում ֆուտբոլիստը դարձել է Հայաստանի գավաթակիր:

Հետևեք մեզ նաև Տելեգրամում