Սեպտեմբերի 21-ի երեկոյան Նիագարան կլուսավորվի ՀՀ դրոշի գույներով
ՀՀ անկախության օրվա կապակցությամբ սեպտեմբերի 21-ի երեկոյան Նիագարա ջրվեժը կլուսավորվի Հայաստանի դրոշի գույներով։ Այդ մասին տեղեկացնում է Կանադայում ՀՀ դեսպանությունը:
«Միջոցառումը կմեկնարկի երեկոյան ժամը 10-ին և կտևի 15 րոպե։ Նախաձեռնությունն իրականացվում է Կանադայում ՀՀ դեսպանության և Նիագարա ջրվեժի լուսավորման խորհրդի համագործակցությամբ»,-ասվում է գրառման մեջ։
Հայաստանի Անկախության մասին հռչակագիրն ընդունվել է Հայաստանի Հանրապետության գերագույն Խորհրդի առաջին նստաշրջանում 1990թ. օգոստոսի 23-ին: Դրանով լուծարվել է Հայկական Խորհրդային Սոցիալսիտական Հանրապետությունը և հռչակվել անկախ Հայաստանի Հանրապետությունը: Հայաստանի Գերագույն Խորհրդի որոշմամբ 1991թ. սեպտեմբերի 21-ին հանրաքվե էր անցկացվել ԽՍՀՄ կազմից դուրս գալու մասին: Ձայնի իրավունք ունեցող քաղաքացիների 94,99 տոկոսը «կողմ» է քվեարկել անկախությանը: Սեպտեմբերի 23-ին Գերագույն Խորհուրդը Հայաստանը հռչակել է անկախ:
In celebration of the Independence Day of the Republic of Armenia, the Embassy of Armenia to Canada, in collaboration...
Опубликовано Embassy of the Republic of Armenia to Canada Четверг, 10 сентября 2020 г.
Կարծիքներ