Պուտինն ու Բայդենը Ժնևում կքննարկեն Լեռնային Ղարաբաղի հարցը

Ռուսաստանի և Միացյալ Նահանգների նախագահներ Վլադիմիր Պուտինը և Ջո Բայդենը Ժնևում կքննարկեն ռազմավարական կայունության, COVID-19- ի դեմ պայքարի, կիբերհանցագործության դեմ պայքարը, ինչպես նաև տարածաշրջանային հարցեր, ներառյալ իրավիճակը Մերձավոր Արևելքում, Ուկրաինայում և Լեռնային Ղարաբաղում։ РИА Новости-ի փոխանցմամբ՝ այս մասին լրագրողներին ասել է Ռուսաստանի նախագահի օգնական Յուրի Ուշակովը։

Հունիսի 14-ին կայացել է Ուշակովի զրույցը Ռուսաստանում ԱՄՆ դեսպան Ջոն Սալիվանի հետ, որի ընթացքում հաստատվել են երկու նախագահների հանդիպման ձևաչափի և օրակարգի վերաբերյալ բոլոր պայմանավորվածությունները:

Պուտինը Բայդենի հետ երկու անգամ շփվել է հեռախոսով ՝ հունվարի 26-ին և ապրիլի 13-ին։ Մինչ այդ նրանք մի անձնական հանդիպում են ունեցել 2011-ին, երբ Բայդենն ԱՄՆ փոխնախագահն էր։ «Ժնևի հանդիպման անցկացման նախաձեռնությունը եղել է ամերիկյան կողմից»-, նշել է Ուշակովը:

Գագաթնաժողովը տեղի կունենա հունիսի 16-ին Ժնևում՝ La Grange վիլլայում: