Իսրայելի զինված ուժերը Հորդանան գետի արեւմտյան ափում ոչնչացրել են երեք ենթադրյալ ահաբեկիչների

Իսրայելում ծրագրված ահաբեկչության երեք ենթադրյալ կազմակերպիչներ սպանվել են Հորդանան գետի արեւմտյան ափին հրեական պետության բանակի գործողության ժամանակ։ Այդ մասին շաբաթ օրը հաղորդել է ՏԱՍՍ-ը՝ հղում անելով Times of Israel թերթին:

Հրատարակության տվյալներով՝ կասկածյալները սպանվել են Ջենին քաղաքի մոտ։ Նախնական տվյալներով՝ նրանք շարժվում էին դեպի նոր ահաբեկչության վայր, սակայն վերացվել են զինվորականների հետ փոխհրաձգության արդյունքում։ Նրանց մեքենայում հայտնաբերվել են նռնակներ և հրազեն։

Ըստ Times of Israel-ի՝ խմբավորումը նախկինում արդեն մեկ զինված հարձակում է իրականացրել Թուլկարեմ քաղաքի մոտ և ենթարկվել է սերտ հսկողության Իսրայելի անվտանգության գլխավոր ծառայության (SHABAK, հետախուզություն) կողմից։

Մի շարք ահաբեկչությունների արդյունքում Իսրայելում յոթ օրվա ընթացքում 11 մարդ է զոհվել։ Բանակը լրացուցիչ ստորաբաժանումներ է ուղարկել ինչպես Հորդանան գետի Արևմտյան ափ, այնպես էլ Գազայի հատվածի սահմաններ։