Մոսկվայի «Food սիթի» առևտրային կնտրոնի դեմ պետք է հայց ներկայացվի Արբիտրաժային դատարան

Մոսկվայի «Food սիթի» կոչվող մեծածախ շուկայում հայ մատակարարների մուտքն արգելելու, և հայկական ապրանքների վաճառքը շուկայից   դուրս թողնելու Ադրբեջանցիների կողմից իրականացված խտրական վերաբերմունքը պետք է ստանա  իրավական գնահատական. Այդ մասին Freenews-ի հետ զրույցում ասաց իրավական խորհրդատվություն ներկայացնող ընկերության ղեկավարը:

Իրավական քայլերը հետևյալն են:

1.Դիմել Հակամենաշնորհային դաշնային ծառայությանը, որը միջոցներ կձեռնարկի, պարզելու կատարվածը և կանխելու նման դեպքերը, բառացելով  խտրական վերաբերմունքը կառույցի շրջանակներում առավելևս էթնիկ հողի վրա, որը խախտում է այլոց իրավունքները, վերացնում շուկայում առողջ մրցակցությունը։

2. Քր․ գործ հարուցել ՌԴ գլխավոր դատախազությունում` համաձայն ՌԴ քրեական օրենսգրքի 136 հոդվածի:

3. Դիմել Արբիտրաժային դատարան` պատժամիջոցներ կիրառելու համար․ օրինակ ՝ առևտրի կենտրոնին արգելել որոշակի գործողություններ իրականացնել։

4. Դիմել ԵՏՄ հանձնաժողովի  միասնական շուկա. Ռուսաստանի Դաշնությունը և նրա սուբյեկտները պետք է հավասար հնարավորություններ ապահովեն ԵՏՄ անդամ պետություններից ներմուծված ապրանքների վաճառքի համար:

Հարկ է նշել, նաև, որ վերը թվարկված քայլերից  3-րդ կետը կորցրել է իր արդիականությունը, բայց այն կարող է ներկայացվել նաև այն դեպքում, էրբ  հայ արտահանողները որոշեն, որ իրենց պետք է մեծ առևտրային կենտրոն։

Այս դեպքում Արբիտրաժային դատարան պետք է դիմել առանձին հայցով․

1. Կորուստների փոխհատուցում.

2. Սննդի վաճառքի կենտրոնում վաճառքի իրավունքի փաստաթղթային հատատում.

Սրանք այն նվազագույն քայլերն են, որոնք պետք է ձեռնարկել, հետագայում նմանատիպ խնդիրներից խուսափելու համար։

Հիշեցնենք, ինչպես ավելի վաղ նշել էինք, արդեն մի քանի օր է Ռուսաստանի տարբեր քաղաքների և, մասնավորապես, Մոսկվայի գյուղմթերքների շուկայում առաջացել են բավականին լուրջ խնդիրներ:  

Մեր հայրենակիցները Ռուսաստան տեղափոխած գյուղմթերքը չեն  կարողանում իրացնել ռուսաստանյան շուկաներում: Ամենամեծ խնդիրն առաջացել էր Մոսկվայի «Ֆուդ սիթի» մեծածախ առևտրի շուկայում, որի կայանատեղիում երկու օր է կայանած էին հայաստանյան պետհամարանիշերով բեռնատարներ ՝ բեռնված գյուղատնտեսական մթերքներով և մասնավորապես`ծիրանով:

Մթերքի հիմնական մասը սպառվեց համայնքի ակտիվ ջանքերի շնորհիվ։