«Այապի բաղ»-ում կրակել են իջևանցու գոմեշներին, ապա մորթել ու տարել

Ապրիլի 10-ին ոստիկանության Իջևանի բաժին դիմած քաղաքացին հաղորդում է տվել, որ Իջևան քաղաքի «Այապի բաղ» տարածքում անհայտ անձը կրակել էր իր երկու գոմեշներին, ապա մորթել՝ տեղում թողնելով գլուխներն ու փորոտիքը։

Այս մասին տեղեկացնում է ՀՀ ոստիկանությունը:

Տուժողին պատճառվել է մոտ մեկ միլիոն դրամի վնաս: Փաստի առթիվ հարուցվել է  քրեական գործ։

Իջևանի ոստիկանների ձեռնարկած օպերատիվ-հետախուզական միջոցառումների արդյունքում մայիսի 11-ին բաժին բերման է ենթարկվել4 տղամարդ։ Նրանք տվել են խոստովանական բացատրություն։

Պարզվել է, որ կենդանիներին մորթելուց հետո բերման ենթարկվածներից երկուսը միսն իրացրել էին մայրաքաղաքի մսամթերքի շուկաներից մեկում։ Այլ հանգամանքներ քննությամբ պարզվում են։