Թբիլիսիում COVID-19-ի 500-ից պակաս դեպք են հայտնաբերել

Վրաստանում վերջին 24 ժամում կորոնավիրուսով վարակման 1097 նոր դեպքերից 484-ն արձանագրվել Է Թբիլիսիում, տեղեկատվությունը տարածում Է Միջգերատեսչական համակարգող խորհրդին կից Օպերատիվ շտաբը:

Այս փուլում երկրում կա վարակման 15 655 ակտիվ դեպք, նրանցից 5 677 մարդ բուժում Է անցնում հիվանդանոցներում, 420-մարդ գտնվում Է կարանտինի գոտում, նրանցից 187-ը Թբիլիսիում, 135-ն՝ Աջարիայում:

Այժմ 1 009 հիվանդի վիճակը գնահատվում Է որպես ծանր, նրանցից 441-ը միացված Է թոքերի արհեստական օդափոխման ապարատի: 8 585 մարդ բուժում Է անցնում տանը:

Այս պահին 35 896 մարդ գտնվում Է ինքնամեկուսացման մեջ, այդ թվում 18 713-ը՝ Թբիլիսում, 3 451-ն՝ Աջարիայում եւ 4 858-ն Իմերեթում:

Այսօրվա դրությամբ՝ համավարակի սկզբից ի վեր երկրում հաստատվել Է COVID-19-ի 221 605 դեպք, ապաքինվել Է 203 547-ը, մահացել՝ 2 377-ը:

Վրաստանում կորոնավիրուսի վարկաման առաջին դեպքը հաստատվել Է փետրվարի 26-ին, հաղորդել Է Sputnik-ը: