ՆԱՍԱ-ի մարսագնացի առաքելության առաջին 100 օրը՝ լուսանկարներով
ԱՄՆ օդագնացության և տիեզերական տարածության հետազոտությունների ազգային վարչությունը լուսանկարներ է հրապարակել, որոնք ստացվել են իր Perseverance մարսագնացի առաքելության 100 մարսիական օրվա (սոլ) արդյունքում:
Ինչպես փոխանցում է BBC News-ը, այս ընթացքում մարսագնացն ուսումնասիրություններ է անում՝ Կարմիր մոլորակում անցյալում գոյություն ունեցած կյանքի հետքեր գտնելու ուղղությամբ, ինչպես նաև ուսումնասիրում է մոլորակի երկրաբանական և կլիմայական առանձնահատկությունները:
Հիշեցնենք, որ մարսագնացը Կարմիր մոլորակում վայրէջք է կատարել փետրվարի 18-ին: Այդ օրվանից ի վեր ռոբոտ սարքը զարմանահրաշ պատկերներ է ֆիքսել իր շուրջ, Եզերո խառնարանի մոտ, ինչպես նաև Մարսի հասարակածում:
Մարսագնացին ամրացված փոքրածաված Ingenuity անօդաչու ուղղաթիռը, որն առաջին անգամ կառավարվող թռիչք է իրականացրել այլ մոլորակում, ևս նկարահանումներ է արել:
Կարծիքներ