Ուկրաինայում Ռուսաստանի գործողությունները մեծապես ազդում են աշխարհում պարենային անվտանգության վրա. Թրաս

Ուկրաինայում Ռուսաստանի հատուկ ռազմական գործողությունը լրջորեն ազդում է համաշխարհային խաղաղության, համընդհանուր բարգավաճման և պարենային անվտանգության իրավիճակի վրա: Նման կարծիք է հայտնել Մեծ Բրիտանիայի արտգործնախարար Լիզ Թրասը:

Նրա տարածած հայտարարության մեջ նշվում է, որ ռուսական հատուկ գործողության 100 օրվա ընթացքում ավելի քան 6,6 մլն մարդ ստիպված է եղել լքել Ուկրաինան:

Ֆորին օֆիսի ղեկավարը հիշեցրել է, որ Մեծ Բրիտանիան ռազմական օգնության ծրագրի շրջանակներում Կիևին 10 հազար հրթիռ է մատակարարել:

Ավելի վաղ ՌԴ արտգործնախարար Սերգեյ Լավրովը նշել էր, որ պարենային ճգնաժամն աշխարհում սկսվել է Ուկրաինայում հատուկ գործողության մեկնարկից առաջ, իսկ արևմտյան պատժամիջոցները դարձել են պարենի մատակարարումների խախտման հիմնական պատճառներից մեկը, ինչն էլ բարդացրել է իրադրությունը:

Այս մասին գրում է 1inlurer-ը: