Անահիտ Ավանեսյանն ընդունել է Ճապոնիայի դեսպանին
![Անահիտ Ավանեսյանն ընդունել է Ճապոնիայի դեսպանին](https://freenews.am/uploads/images/image_750x_655c735070743.jpg)
Առողջապահության նախարար Անահիտ Ավանեսյանն ընդունել է Ճապոնիայի դեսպան Ֆուկուսիմա Մասանորիին` նրա դիվանագիտական առաքելության ավարտի կապակցությամբ:
«Ճապոնիայի համար Հայաստանը շատ կարևոր գործընկեր է` ուղղված երկկողմ հարաբերությունների առավել խորացմանը, զարգացած տնտեսություն ունենալուն և առողջապահական ոլորտի բարելավմանը` հիմնված օրենքի գերակայության վրա»,-նշել է Ֆուկուսիմա Մասանորին:
«Գնահատելի է ձեր անձնական ներդրումը հայ-ճապոնական բարեկամական հարաբերությունների ամրապնդման և առողջապահական տարբեր ծրագրերի իրականացման հարցում»,-նշել է նախարարը:
Երկկողմ գործակցության վերջին ձեռքբերումներից են`
Նորագույն, ճշգրիտ ախտորոշման բժշկական սարքավորումների նվիրաբերում` Երևանի և մարզերի առողջապահական հաստատություններին
վերջին սերնդի սարքավորումներով համալրված շտապօգնության 39 մեքենաների նվիրաբերում
պաթոհիստոլոգիայի գերժամանակակից լաբորատորիայի բացում Վանաձորի բժշկական կենտրոնում
Առաջիկա ծրագրերը նպատակաուղղված կլինեն բժշկական կենտրոնների վերազինմանը և ԼՂ բնակչության բռնի տեղահանման հետևանքով առկա մարտահրավերների հաղթահարմանը:
Կարծիքներ