Եվրոպայի խորհուրդը Կոսովոյից անդամակցության հայտ է ստացել
Եվրոպայի խորհուրդը ստացել է Կոսովոյի ինքնահռչակ հանրապետության անդամակցության հայտը եւ այն փոխանցել Նախարարների կոմիտեին: Ինչպես տեղեկացնում է «Արմենպրես»-ը, հղում անելով «ՌԻԱ Նովոստի»-ին, այս մասին հաղորդագրություն է տարածել ԵԽ-ի մամուլի ծառայությունը:
«Մենք կարող ենք հաստատել, որ Կոսովոյի անդամակցության հայտը ստացվել եւ փոխանցվել է Նախարարների կոմիտեին ՝ Եվրոպայի խորհրդի կանոնադրությանը համապատասխան», - նշված է հաղորդագրության մեջ:
Ավելի վաղ հաղորդվել էր, որ Սերբիայի նախագահ Ալեքսանդր Վուչիչը Սերբիայի ազգային անվտանգության խորհրդի նիստ է հրավիրել ՝ Կոսովոյի ինքնահռչակ հանրապետության ՝ Եվրոպայի Խորհրդին անդամակցելու հայտի պատճառով:
Կարծիքներ