Հունաստանը որպես այլընտրանք. «Հայաստանի Հանրապետություն»
«Հայաստանի Հանրապետություն» օրաթերթը գրում է.
«Հունաստանի եւ Թուրքիայի հարաբերությունների շարունակական վատթարացման, ինչպես նաեւ Վաշինգտոնի եւ Անկարայի միջեւ հարաբերություններում առաջընթացի բացակայության պայմաններում, Միացյալ Նահանգները ձգտում է ուժեղացնել իր ներկայությունը Հունաստանում: Ամերիկացիներն իրենց ուժերը արդեն տեղակայել են Կրետեի Սուդա ծոցում գտնվող ծովային ռազմակայանում, ինչպես նաեւ Հյուսիսային Հունաստանի Ալեքսանդրուպոլի նավահանգստում, Լարիսայի եւ Ստեֆանովիկեյի ավիաբազաներում: Հունական «Kathimerini» թերթի փոխանցմամբ, նախատեսվում է ավելացնել եւս չորս հենակետ, որոնց տեղակայման ընտրության համար Հունաստանի պաշտպանության նախարարությունը տրամադրել է 22 վայրի ցուցակ։
Այս զարգացումներին զուգահեռ Թուրքիան փորձում է իր կայուն տեղը նվաճել պաշտպանական արդյունաբերության առաջատարների ցանկում: Նրա թիրախում առաջին հերթին հենց ԵՄ եւ ՆԱՏՕ-ի երկրներն են, ինչը լրացուցիչ լծակների հնարավորություն է ստեղծում Թուրքիայի համար։ Նախօրեին Լեհաստանի նախագահ Անջեյ Դուդան պաշտոնական այցով գտնվում էր Անկարայում, որտեղ պայմանավորվածություն է ձեռք բերվել «Bayraktar» ԱԹՍ-ներ գնելու մասով։ Էրդողանը համատեղ ասուլիսի ժամանակ չի թաքցրել իր գոհունակությունը՝ նշելով, որ «իր պատմության մեջ առաջին անգամ Թուրքիան անօդաչու թռչող սարքեր է արտահանելու ՆԱՏՕ-ի եւ ԵՄ անդամ երկիր...»»:
Նյութն ամբողջությամբ կարդացեք թերթի այսօրվա համարում
Կարծիքներ