Մեծ Բրիտանիան մինչև 2030 թվականը կմեծացնի պաշտպանական ծախսերը մինչև 100 միլիարդ ֆունտ ստեռլինգ

Մեծ Բրիտանիայի նոր վարչապետ Լիզ Թրասի կառավարությունը մտադիր է մինչև տասնամյակի վերջ կրկնապատկել պաշտպանական բյուջեն մինչև 100 միլիարդ ֆունտ (108,45 միլիարդ դոլար): Այս մասին The Sunday Telegraph-ին տված հարցազրույցում հայտարարել է Միացյալ Թագավորության պաշտպանության նախարար Բեն Ուոլեսը ։

Ուոլեսը, ով դարձել է այն սակավաթիվ նախարարներից մեկը, որը պահպանել է իր պաշտոնը նոր կաբինետում, ասել է, որ Թրասը մտադիր է կատարել իր նախընտրական խոստումները և պաշտպանական ծախսերը հասցնել ՀՆԱ-ի 3%-ի:  «Վարչապետի պաշտոնում նրա հստակ առաջնահերթություններից մեկն այն է, որ մենք ներդրումներ կանենք և ավելի շատ գումար կծախսենք պաշտպանության վրա»,- հավելեց նա։

Թե կոնկրետ ուր են ուղղվելու լրացուցիչ միջոցները, ՊՆ ղեկավարը չմանրամասնեց։ Այնուամենայնիվ, նա ասել է, որ վարչությունը նախատեսում է ուժեղացնել տեղեկատվության հավաքագրման, հսկողության և հետախուզության կարողությունները, ինչպես նաև անօդաչու զենքի դեմ պայքարը։