ՍԱՏՄ տեսուչները Աջափնյակ և Դավթաշեն վարչական շրջանների խոշոր խանութներ կատարած ստուգայցի ընթացքում խախտումներ են արձանագրել

ՍԱՏՄ տեսուչները Աջափնյակ և Դավթաշեն վարչական շրջանների խոշոր խանութներ կատարած ստուգայցի ընթացքում խախտումներ են արձանագրել

ՍԱՏՄ Երևանի կենտրոնի տեսուչները հոկտեմբերի 20-ի երեկոյան լայնածավալ շրջայցեր են իրականացրել մայրաքաղաքի Աջափնյակ և Դավթաշեն վարչական շրջանների խոշոր խանութներ:

«36 տնտեսավարողի մոտ անցկացված վերահսկողության ընթացքում կազմվել է 21 արձանագրություն՝ աշխատակիցների կողմից դիմակ չկրելու, պատվաստված չլինելու կամ ՊՇՌ թեստի բացասական պատասխան, ինչպես նաև դրանց վերաբերյալ գրանցամատյաններ չունենալու հիմքով»,-  հայտնում են ՍԱՏՄ-ից՝ նշելով, որ ստուգայցեր կանցկացվեն նաև այսօր:

Խախտումների արձանագրման դեպքում տնտեսավարողը նախազգուշացվում է կամ ենթարկվում վարչական պատասխանատվության, տուգանքի՝ 100-ից 300 հազար, խախտման կրկնվելու դեպքում՝ 150-ից 500 հազար դրամի չափով:

Կորոնավարակի կանխարգելման համար սահմանված հիմնական պահանջներն են՝ աշխատակիցներն ու գնորդները պետք է կրեն դիմակ, պահեն սոցիալական հեռավորություն, խանութներում պետք է հասանելի տեղում լինեն ձեռքերի ախտահանիչներ, մակերեսները պետք է պարբերաբար ախտահանվեն, ունենան ախտահանման գրանցամատյաններ, աշխատակիցները պետք է լինեն պատվաստված կամ ունենան ՊՇՌ թեստի բացասական պատասխան։