Կաճաճկուտ գյուղում հրդեհի հետևանքով 15 տոննա անասնակեր է այրվել
Սեպտեմբերի 12-ին, ժամը 13։19-ին Լոռու մարզային ճգնաժամային կառավարման կենտրոն ահազանգ է ստացվել, որ Կաճաճկուտ գյուղում այրվում է անասնակեր:
ԱԻՆ լրատվական ծառայությունից հայտնում են, որ դեպքի վայր են մեկնել ԱԻՆ ՓԾ մարզային փրկարարական վարչության հրշեջ-փրկարարական ջոկատներից երեք մարտական հաշվարկ։
Պարզվել է, որ հրդեհ է բռնկվել 1-ին փողոցի տներից մեկի բակում։
Հրդեհը մեկուսացվել է ժամը 17։55-ին, մարվել՝ 19։05-ին: Այրվել է մոտ 15 տ պահեստավորած անասնակեր։
Կարծիքներ