ԱՄՆ դեսպան Լին Թրեյսին շնորհավորել է քննչական կոմիտեի նախագահ Արգիշտի Քյարամյանին

Հայաստանում ԱՄՆ դեսպան Լին Թրեյսին Հայաստանի քննիչների մասնագիտական օրվա կապակցությամբ շնորհավորել է քննչական կոմիտեի նախագահ Արգիշտի Քյարամյանին։

Այն ներկայացնում ենք ստորեւ․

Հարգելի´ պարոն Քյարամյան, 

Ես ցանկանում եմ շնորհավորել Ձեզ և քննչական կոմիտեի աշխատակիցներին՝ Հայաստանի քննիչների մասնագիտական օրվա 7-րդ տարեդարձի կապակցությամբ:

Միացյալ Նահանգները նախկինի պես հավատարիմ է Ձեր գերատեսչությանը օգնություն ցուցաբերելուն՝ մեր INL, FBI, DEA և DHS գրասենյակների միջոցով, քանի որ Քրեական արդարադատության ոլորտում թափանցիկության, հաշվետվողականության և արդյունավետության բարձրացման ուղղությամբ Հայաստանի ընդհանուր ջանքերի շրջանակներում Դուք ջանքեր եք գործադրում քննչական կոմիտեի ամրապնդման ուղղությամբ:

Մենք ողջունում ենք Ձեր գերատեսչության հավատարմությունը կոռուպցիայի, փողերի լվացման, թմրամիջոցների և մարդկանց թրաֆիքինգի, կենցաղային և սեռական բռնության, կիբերհանցագործությունների և անչափահասների դեմ ուղղված հանցագործությունների մանրակրկիտ քննության և պայքարի իրականացմանը:

Հայաստանի Հանրապետությունում
Ամերիկայի Միացյալ Նահանգների դեսպան
Դեսպան Լին Մ. Թրեյսի