Բայդենը չի ափսոսում Պուտինի մասին հարցին տված կտրուկ պատասխանի համար. Սպիտակ տան մամուլի քարտուղար
ԱՄՆ նախագահ Ջո Բայդենը չի ափսոսում ՌԴ նախագահի մասին հարցին տված կտրուկ պատասխանի համար: Ինչպես փոխանցում է «ՏԱՍՍ» գործակալությունը, այս մասին հինգշաբթի կայացած ճեպազրույցի ժամանակ հայտնել է Սպիտակ տան մամուլի քարտուղար Ջեն Փսակին:
Նրան հարցրել են՝ ափսոսում է արդյո՞ք վաշինգտոնյան վարչակազմի ղեկավարը, որ դրական պատասխան է տվել ABC հեռուստաալիքի լրագրողի հարցին. «Կարծում է արդյո՞ք նա, որ Պուտինը մարդասպան է»: Պատասխանելով այդ հարցին՝ Փսակին ասել է. «Ո՛չ: Նախագահն ուղիղ պատասխան է տվել ուղին հարցին»:
Հիշեցնենք, որ Բայդենը նախօրեին տեղի լրատվամիջոցին տված հարցազրույցում Պուտինին մեղադրել է ԱՄՆ նախագահական ընտրություններին միջամտելու համար և հայտարարել, որ դա անպատիժ չի մնա:
Կարծիքներ