Խոշոր ավտովթար Սյունիքում. իրանական համարանիշներով բեռնատարը բախվել է Կապան-Քաջարան երթուղու «Գազելին». shamshyan.com
Այսօր՝ սեպտեմբերի 9-ին, խոշոր ավտովթար է տեղի ունեցել Սյունիքի մարզում։ Ժամը 11։50-ի սահմաններում Scania մակնիշի իրանական համարանիշներով ավտոմեքենան Երևան-Մեղրի ավտոճանապարհի 329 կմ հատվածում դեպի Կապան ընթանալիս դուրս է եկել հանդիպակաց երթևեկելի գոտի և բախվել դեպի Քաջարան ընթացող Կապան-Քաջարան երթուղին սպասարկող ուղևորատար «Գազել»-ին։
Այս մասին գրում է shamshyan.com-ն ու նշում, որ վթարի հետևանքով 6 հոգի տարբեր աստիճանի մարմնական վնասվածքներով տեղափոխվել է «Քաջարան» բժշկական կենտրոն։
Ըստ աղբյուրի՝ ոստիկանությունը պարզում է վարորդների և վիրավորների ինքնությունը։
Կարծիքներ