«Կրթվելը նորաձև է» շարժման հերթական հանդիպումը կայացել է Արմավիրում, որին մասնակցել է նաև վարչապետը

«Կրթվելը նորաձև է» շարժման հերթական հանդիպումը կայացել է Արմավիրում, որին մասնակցել է նաև վարչապետը

Այսօր Արմավիրի մշակույթի տանը կայացավ «Կրթվելը նորաձև է» շարժման հերթական հանդիպումը, որի ընթացքում թվով 350 կրթարշավի գաղափարակիցներ բացառիկ հնարավորություն ունեին մասնակցելու ՀՀ վարչապետ Նիկոլ Փաշինյանի և «Իմ քայլը» հիմնադրամի գործադիր տնօրեն տիկին Աննա Հակոբյանի` կրթվելու կարևորությանն ու դրա կախադրական ուժի մասին պատմող ոգեշնչող բանախոսություններին:

Հանդիպման սկզբում մասնակիցներին ողջունեց և իր բանախոսությամբ հանդես եկավ տիկին Աննա Հակոբյանը։ Նա ներկայացրեց շարժման տեսլականը, գաղափարական հիմքերը և այն հասարակական լայն շարժումը, որն արդեն ձևավորվում է երկրի տարբեր համայնքներում։

Շարունակելով թեման` պարոն Փաշինյանն իր «Իմանալ` ինչպես» բանախոսության մեջ նշեց, որ այս շարժումը ոչ միայն կրթվելու ու ինքնազարգացման կոչ է, այլև ընդհանուր սոցիալ հոգեբանություն փոխելու ու առաջընթաց կառուցելու կարևորագույն գործիք: Օգտվելով հայրենակիցների հետ անմիջական շփման այս հնարավորությունից` նա նաև անդրադարձավ իրական Հայաստանի գաղափարախոսությանը` ընդգծելով յուրաքանչյուրի  պարտավորությունն ու կարևորությունը երկրի զարգացման գործում։

Հանդիպման ընթացքում նաև տեղի ունեցավ փոքրիկ մշակութային ընդմիջում՝ Արմավիրի արվեստի դպրոցի երգչախմբի և «Ռոզի» պարային համույթի կատարումներով:

Հանդիպման երկրորդ հատվածը, ինչպես միշտ, հարցուպատասխանինն էր , որի ընթացքում մասնակիցները բարձրաձայնեցին հարցեր՝ կապված շարժման տարածման գործիքների, դրա խոչընդոտների մասին: Շատերը, ոգևորված բանախոսություններից, հայտնում էին պատրաստակաումություն շարժումն իրենց համայնքներ տանելու և տարածելու մասով: Եղավ նաև առաջարկ վարչապետի ելույթների հիման վրա նյութ պատրաստել և տարածել աշակերտական խորհուրդներում, ավագ դասարաններում և առհասարակ երիտասարդության շրջանում։

Շարժմանը մասնակցելու և առաջիկա միջոցառումների և նախաձեռնությունների մասին առաջինը իմանալու համար խնդրում ենք լրացնել հետևյալ հայտը` https://forms.gle/14TU9paSzmZrKeps5

ապրիլի 12 – Մեղրի

ապրիլի 19 – Թալին

մայիսի 3 – Բերդավան

մայիսի 4 – Բերդ

մայիսի 10 – Կապան

Հետևեք մեզ նաև Տելեգրամում