Ներկայում Ռուսաստանում ապօրինի բնակվում է 670 հազար մարդ․ ՆԳՆ-ն նրանց հորդորել է հստակեցնել կարգավիճակը
Ռուսաստանում ապօրինի կերպով բնակվում է 670 հազար մարդ, որոնցից մոտավորապես կեսը կանայք և երեխաներ են:
Այս մասին «Կոմսոմոլսկայա պրավդա»-ին տված հարցազրույցում ասել է ՌԴ ներքին գործերի փոխնախարար Ալեքսանդր Գորովոյը։
«Մինչև 2025 թվականի ապրիլի 30-ը նրանք իրավունք ունեն կապ հաստատել համապատասխան գերատեսչությունների և ներքին գործերի մարմինների հետ՝ լուծելու իրենց իրավական կարգավիճակի հարցը»,- ասվում է հրապարակման մեջ։
Եթե հնարավոր չլինի կարգավորել իրավական կարգավիճակը, ապա օտարերկրյա քաղաքացիները ստիպված կլինեն լքել Ռուսաստանը, եզրակացրել է Գորովոյը։
Ավելի վաղ ՌԴ կրթության նախարարությունն առաջարկել էր փաստաթղթերի նոր ցանկ՝ օտարերկրյա քաղաքացիների երեխաներին ռուսական դպրոցներ ընդունելու համար։
Փաստաթղթի համաձայն՝ այժմ ուսումնական հաստատություն ընդունվելու համար անհրաժեշտ է հաստատել Ռուսաստանում բնակվելու իրավունքը ոչ միայն երեխայի, այլև նրա օրինական ներկայացուցիչների համար։
Կարծիքներ