Հայաստանը մտադիր է զարգացնել համագործակցության եռակողմ ձեւաչափը Հունաստանի եւ Կիպրոսի հետ. ԱԳՆ ղեկավար
Հայաստանը մտադիր է զարգացնել համագործակցության եռակողմ ձեւաչափը Հունաստանի եւ Կիպրոսի հետ: Այս մասին այսօր՝ մարտի 29-ին, ԱԺ արտաքին հարաբերությունների մշտական հանձնաժողովի նիստում 2020 թվականին կատարված աշխատանքի հաշվետվության քննարկման ժամանակ ասաց ՀՀ արտգործնախարար Արա Այվազյանը:
«Իմ քայլի» պատգամավոր Շիրակ Թորոսյանը հետաքրքրվեց, թե արդյոք Հայաստանը մտադիր է ակտիվացնել այդ եռակողմ ձեւաչափը որպես հակակշիռ թուրքական ագրեսիվ քաղաքականությանը:
Այվազյանի խոսքով՝ այդ ձեւաչափը մնում է Հայաստանի օրակարգում, սակայն Երեւանի թշնամիներ չի փնտրում տարածաշրջանում, քանի որ լավ գիտի խաղաղության գինը:
«Հայաստանը պետք է պրագմատիկ մոտեցում մշակի իր արտաքին քաղաքականությունը կառուցելու հարցում՝ հաշվի առնելով տարածաշրջանում անվտանգության սպառնալիքները: Մենք անում ենք ամեն ինչ, որպեսզի Հայաստանի սահմանների մոտ անվտանգ եւ կայուն միջավայր ձեւավորվի»,-ընդգծեց արտգործնախարարը:
Նա նշեց, որ վերջին մի քանի ամսում՝ չնայած սահմանափակումներին, մի շարք արտասահմանյան ուղեւորություններ է կատարել: Նրա խոսքով՝ դիվանագետները ակտիվ օնլայն շփումներ են պահպանում նշված խնդրի լուծման շրջանակում:
Կարծիքներ