Times. Բրիտանիան խորհուրդ է տվել Ուկրաինային ոչ մի դեպքում պայմանագիր չկնքել Ռուսաստանի հետ
Մեծ Բրիտանիան ավելի կոշտ դիրքորոշում է ընդունում, քան ԱՄՆ-ը, Ֆրանսիան և Գերմանիան ռուս-ուկրաինական բանակցությունների հարցում՝ խորհուրդ տալով Կիևին դեռևս համաձայնագիր չկնքել Ռուսաստանի Դաշնության հետ։ Այս մասին ՏԱՍՍ-ի հաղորդմամբ՝ հայտնել է The Times-ը՝ հղում անելով բրիտանական կառավարության աղբյուրներին։
Ըստ աղբյուրի՝ Լոնդոնը մտահոգված է Վաշինգտոնի, Փարիզի և Բեռլինի պատրաստակամությամբ՝ մղելու Ուկրաինային Կրեմլին զգալի զիջումների գնալու։ Մեծ Բրիտանիայի իշխանությունները չեն կիսում իրենց դաշնակիցների ցանկությունը՝ հասնել ռուս-ուկրաինական համաձայնագրերի կարճաժամկետ կնքմանը, քանի որ կարծում են, որ համաձայնագիրը պետք է ստորագրվի միայն այն ժամանակ, երբ Ուկրաինան կհայտնվի «ամենաուժեղ դիրքերում»։
Նշվում է, որ Մեծ Բրիտանիայի վարչապետ Բորիս Ջոնսոնը հանդես է գալիս Ռուսաստանի Դաշնության դեմ պատժամիջոցների ճնշման ուժեղացման օգտին, քանի դեռ ռուսական զորքերը չեն լքել Ուկրաինան, ներառյալ Ղրիմը։
Կարծիքներ