Ջիլ գյուղում մոտ 8 տոննա անասնակեր է այրվել
Հոկտեմբերի 18-ին, ժամը 14:24-ին Գեղարքունիքի մարզային ճգնաժամային կառավարման կենտրոն ահազանգ է ստացվել, որ Ջիլ գյուղի սկզբնամասում այրվում է անասնակեր։
ԱԻՆ-ը նշում է, որ դեպքի վայր է մեկնել ԱԻՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ։
Պարզվել է, որ հրդեհը բռնկվել է գյուղի 1-ին փողոցի տներից մեկի բակում։
Հրդեհը մեկուսացվել է ժամը 16:30-ին, մարվել՝ 18:00-ին: Այրվել է կուտակած անասնակեր (մոտ 8 տոննա)։
Կարծիքներ