Ռոնալդուն շնորհակալություն է հայտնել «Յուվենտուսի» երկրպագուներին
Իտալիայի առաջնության 36-րդ տուրում «Սամպդորիային» հաղթելուց և Իտալիայի չեմպիոն հռչակվելուց հետո Թուրինի «Յուվենտուսի» պորտուգալացի հարձակվող Կրիշտիանու Ռոնալդուն շնորհակալություն է հայտնել ակումբի երկրպագուներին:
«Այո՜, մենք Իտալիայի չեմպիոն ենք:
Ուրախ եմ երկրորդ տարին անընդմեջ չեմպիոն հռչակվելու համար: Շարունակում եմ պատմություն կերտել այս մեծագույն ակումբի հետ:
Այս նվաճմանը հասնելը հեշտ չէր: Շնորհակալ եմ բոլոր երկրպագուներին, որոնք միշտ եղել են թիմի կողքին: Այս գավաթը հենց նրանցն է»,- գրել է Ռոնալդուն:
Նշենք, որ «Յուվենտուսն» Իտալիայի չեմպիոն է դարձել 36 անգամ։
Կարծիքներ