Սյունիքում 23-ամյա վարորդը մեքենայով բախվել է շինության պատին. վիրավոր 3 երեխա տեղափոխվել է Երևան

Սեպտեմբերի 21-ին ավտովթար է տեղի ունեցել Արարատի մարզում: Ժամը 23:00-ի սահմաններում Սյունիքի մարզի բնակիչ 23-ամյա Հունան Գ.-ն իր վարած ВАЗ 2104 մակնիշի ավտոմեքենայով Մասիս քաղաքի Շիրազի փողոցում դուրս է եկել երթևեկելի գոտուց, բախվել թիվ 5 հասցեի շինության պատին:

Այս մասին գրում է shamshyan.com-ը:

Վթարի հետևանքով Հունան Գ.-ն, նրա ուղևորներ 34-ամյա Նարինե Հ.-ն, 8-ամյա Դավիթ Գ.-ն, 8-ամյա Էմանուել Ա.-ն և 10-ամյա Մարիետա Ա.-ն մարմնական վնասվածքներով տեղափոխվել են «Մասիս» բժշկական կենտրոն, որտեղից երեխաները տեղափոխվել են Երևանի «Սուրբ Աստվածամայր» բժշկական կենտրոն:

Վթարի փաստով Մասիսի քննչական բաժնում նախաձեռնվել է վարույթ:

Աղբյուրի տեղեկություններով վարորդն ու վիրավորները ազգականներ են: