Ռուսաստանի և Իսրայելի ԱԳ նախարարները քննարկել են իրավիճակը Մերձավոր Արևելքում և Հյուսիսային Աֆրիկայում
Ռուսաստանի Դաշնության արտաքին գործերի նախարար Սերգեյ Լավրովը հունվարի 3-ին հեռախոսազրույց է ունեցել Իսրայելի արտաքին գործերի նախարար Էլի Կոհենի հետ։ Այս մասին հայտնել է ՌԴ արտաքին գործերի նախարարությունը:
Ռուսաստանի ԱԳ նախարարը շնորհավորել է իր իսրայելացի գործընկերոջը պաշտոնը ստանձնելու կապակցությամբ և պատրաստակամություն հայտնել համատեղ աշխատել՝ ի նպաստ Ռուսաստանի և Իսրայելի միջև փոխշահավետ համագործակցության ամրապնդման։
ԱԳ նախարարները քննարկել են երկկողմ օրակարգի արդիական հարցեր՝ ընդգծելով առևտրատնտեսական համագործակցության ներուժի ամրապնդման կարևորությունը։
Նախարարները քննարկել են իրավիճակը Մերձավոր Արևելքում և Հյուսիսային Աֆրիկայում։ Լավրովը վերահաստատել է Ռուսաստանի դիրքորոշումը՝ Սիրիայում իրավիճակը քաղաքական և դիվանագիտական մեթոդներով կարգավորելու օգտին՝ հարգելով նրա ինքնիշխանությունն ու տարածքային ամբողջականությունը:
Կարծիքներ