Նորվեգիան 10 ժամանակավոր կամուրջ է ուղարկել Ուկրաինային
Նորվեգիայի պետական ճանապարհների վարչության կողմից Կիև տեղափոխված կամուրջների բեկորներով առաջին բեռնատարները ժամանել են Ուկրաինա, հայտնում է Ուկրաինայի ենթակառուցվածքների նախարարությունը։
2022 թվականի դեկտեմբերին Նորվեգիայի իշխանությունները հայտարարեցին Ուկրաինային 10 կամուրջ փոխանցելու մտադրության մասին՝ փոխարինելու ռուսական զորքերի կողմից ավերվածներին։
Դրանք կհավաքվեն ու կտեղադրվեն ուկրաինական ազատագրված տարածքներում։
Կամուրջները ժամանակավոր, բայց դիմացկուն կառույցներ են, որոնք կարող են պահել ծանր տեխնիկան:
Նորվեգիայի հետ միասին Ուկրաինայի ճանապարհային ենթակառուցվածքի վերականգնմանը մասնակցում են նաև Չեխիան և Ֆրանսիան. այս երկրները նույնպես ժամանակավոր կամուրջներ են ուղարկել։
Շվեդիան նույնպես հայտարարեց մարդասիրական այս նախագծին աջակցելու իր պատրաստակամության մասին։
Կարծիքներ