Սուեզի ջրանցքը նախատեսվում է լայնացնել

Սուեզի ջրանցքի ղեկավարությունը պատրաստվում է քննարկել ջրանցքի լայնացման հարցը՝ խցանված նավի հետ կապված իրավիճակով պայմանավորված: Այս մասին հայտարարել է գերատեսչության ղեկավար Ուսամա Ռաբիան, մեջբերում է Al Arabiya հեռուստաալիքը։ Ղեկավարության ներկայացուցիչները պնդում են, որ կատարվածի մեղավորը նավի կապիտանն է.

«Նավը սխալ մանևր արեց, շեղվեց ընթացքից և հայտնվեց խցանման մեջ: Եղանակային պայմանները նույնպես անբարենպաստ էին. փոշու փոթորիկ և ուժեղ քամի: Այնուամենայնիվ, Ever Given-ից առաջ ավելի քան մեկ տասնյակ նավեր դեռ ունակ էին անցնել ջրանցքով»:

Ever Given բեռնափոխադրող նավը, որը շահագործվում է թայվանական Evergreen Group-ի կողմից, մարտի 23-ին արգելափակել էր Սուեզի ջրանցքը, այնուհետև տեղափոխվել էր մարտի 29-ին: Այս ընթացքում ջրանցքում առաջացել էր մի քանի հարյուր խցանում:

Տեղի ունեցածի հիմնական վարկածը ուժեղ քամու պատճառով նավի՝ ուղուց շեղումն է, բայց չի բացառվում նաև մարդկային գործոնը:

Մինչ հետաքննության ավարտը, Ever Given-ը չի հեռացվի Սուեզի ջրանցքից: Դատավարության տևողությունը դեռ հայտնի չէ:

Ըստ նավահանգիստների և հենց ջրանցքի զարգացման հարցերով Եգիպտոսի նախագահի խորհրդական ծովակալ Մոհաբ Մամիշի՝ նավի սեփականատերը համաձայն է փոխհատուցում վճարել ջրանցքի արգելափակման համար, ուստի Կահիրեն դատի չի տա: Ինչ վերաբերում է մի քանի օր շարունակ Սուեզի ջրանցքով անցնել չկարողացող նավերի անսարքության փոխհատուցմանը, ապա դրանք կվճարեն ապահովագրական ընկերությունները:

Իր հերթին, Ուսամա Ռաբիան ասել է, որ Եգիպտոսը մտադիր է փրկարարական գործողության համար պահանջել ավելի քան մեկ միլիարդ դոլար փոխհատուցում:

«Մենք կպահանջենք պատշաճ գումար: Մենք նավը փրկեցինք առանց լուրջ վնասների կամ կորուստների»,- ասել է նա, բայց չի նշել, թե ով պետք է փոխհատուցում վճարի:

Ever Given-ը ծանծաղուտից հանելու համար պահանջվել է մի քանի հարյուր մարդու ջանք։ Նավի հատակից դուրս է բերվել մոտ 30 հազար խորանարդ մետր ավազ: