Գագիկ Ծառուկյանի որդու մոտ կորոնավիրուս է հաստատվել. նա չի կարողացել ներկայանալ հարցաքննության
ԲՀԿ առաջնորդ Գագիկ Ծառուկյանի որդին՝ Նվեր Ծառուկյանը, վարակվել է կորոնավիրուսով:
Տեղեկությունը ՀԺ-ի հետ զրույցում հաստատեց Քննչական կոմիտեի տեղեկատվության եւ հասարակայնության հետ կապերի բաժնի պետի պաշտոնակատար Ռիմա Եգանյանը՝ հավելելով, որ Նվեր Ծառուկյանին հրավիրել էին հարցաքննության, սակայն նրա փաստաբանը գրությամբ տեղեկացրել է, որ առողջական խնդիրների պատճառով այս պահին չի կարող ներկայանալ,քանի որ նրա մոտ կորոնավիրուս է հաստատվել:
Մեր հարցին, թե ինչ գործի շրջանակներում էր Ծառուկյանը հրավիրվել հարցաքննության, Եգանյանը պատասխանեց. ««Պարտեզ» ռեստորանի մոտ կատարված դեպքերի առնչությամբ հարուցված քրեական գործով, որի շրջանակներում քաղաքացի Նվեր Ծառուկյանը ունի վկայի դատավարական կարգավիճակ»:
Նյութի աղբյուրը՝ armtimes.com
Կարծիքներ