Ռուսաստանից Հայաստան դրամական փոխանցումները մեկ տարում կրճատվել են մոտ 30 տոկոսով

Ռուսաստանից դեպի ԱՊՀ մի շարք երկրներ դրամական փոխանցումները 2023 թվականի դեկտեմբերին նախորդ տարվա նուևյն ժամանակահատվածի համեմատ տարեկան կտրվածքով նվազել են 36%–ով՝ կազմելով 627,6 մլն դոլար։

Այս մասին հայտնում է «ՌԻԱ Նովոստի»՝ վկայակոչելով ՌԴ վիճակագրական բաց տվյալները։

Խոսքը ֆիզիկական անձանց դրամական փոխանցումների մասին է։ Ամենից շատ նվազել են Ռուսաստանից Վրաստան փոխանցումները՝ 4,5 անգամ (մինչև 70,5 մլն ԱՄՆ դոլար):

Գրեթե եռակի անգամ կրճատվել են նաև դեպի Ղազախստան փոխանցումները՝ (մինչև 14,8 մլն դոլար): 

Ինչ վերաբերում է դեպի Հայաստան փոխանցումներին, ապա 2023 թ. դեկտեմբերին, ըստ ՀՀ կենտրոնական բանկի տվյալների, դրանք կրճատվել են մոտ 30%–ով՝ հասնելով 297,5 մլն դոլարի (2022 թ. դեկտեմբերից այն կազմել է 423 մլն դոլար)։ Ինչպես և վերջին երկու տարիներին, հիմնականում ֆիզիկական անձինք գումար են փոխանցում առևտրային նպատակներով:

Միայն դեպի Ղրղզստան փոխանցումներն են աճել են 25,4 տոկոսով՝ հասնելով մինչև 244,7 մլն դոլար: