Սյունիքի մարզի Կապան-Գորիս ավտոճանապարհին մառախուղ է:
Արտակարգ իրավիճակների նախարարությունը տեղեկացնում է, որ ՀՀ տարածքում կան փակ և դժվարանցանելի ավտոճանապարհներ։
Փակ են Արագածոտնի մարզում «Ամբերդ» բարձր լեռնային օդերևութաբանական կայանից դեպի Ամբերդ ամրոց և Քարի լիճ տանող ավտոճանապարհները։
Վարդենյաց լեռնանցքը փակ է բոլոր տեսակի տրանսպորտային միջոցների համար:
Դժվարանցանելի են Շիրակի մարզի Ամասիայի, Արթիկի, Աշոցքի տարածաշրջանների, Արթիկ-Ալագյազ, Վայոց ձորի մարզի Սարավան-«Զանգեր» հատվածի և Ջերմուկ քաղաքի ավտոճանապարհները (կցորդիչով բեռնատարների համար)։
Շիրակի մարզի Աշոցքի և Վայոց ձորի մարզի Ջերմուկի տարածաշրջաններում տեղում է ձյուն:
Սյունիքի մարզի Գորիս-«Զանգեր», Վայոց ձորի մարզի Սարավան-«Զանգեր», Կոտայքի մարզի Աբովյանի տարածաշրջանի ավտոճանապարհներին տեղ-տեղ առկա է մերկասառույց:
Սյունիքի մարզի Կապան-Գորիս ավտոճանապարհին մառախուղ է:
Կարծիքներ