Մեծ Նովգորոդում, կորոնավիրուսի հետ կապված, կրկին հարսանեկան սահմանափակումներ են մտցրել

Մեծ Նովգորոդում, կորոնավիրուսի հետ կապված, կրկին հարսանեկան սահմանափակումներ են մտցրել, հաղորդում է «Ինտերֆաքսը»՝ վկայակոչելով քաղաքի վարչակազմին:

«Նոյեմբերի 1-ից Հարսանյաց պալատում ամուսնության գրանցմանը թույլատրվում է ներկա լինել միայն երեք հոգու՝ հարսնացուին, փեսացուին եւ լուսանկարչին, իսկ հանդիսավոր գրանցմանը՝ չորս հոգով ավել, այսինքն, այնտեղ օրինակ, կարող են գտնվել հարսնացուի եւ փեսացուի ծնողները: Բնականաբար, բոլորը պետք է դիմակներով լինեն»,- ասել է զրուցակիցը:

Ինչպես պարզաբանել են վարչակազմում, եթե ամուսնացող քաղաքացիները համաձայն չեն նման սահմանափակումների հետ, նրանք կարող են գրանցումը հետաձգել ավելի ուշ ժամկետի, երբ գրանցման պայմանները կարող են փոխվել:

Կորոնավիրուսի համավարակի պատճառով ապրիլի 1-ից մայիսի 31-ը Մեծ Նովգորոդում ամուսնություններ կամ ամուսնալուծություններ չեն գրանցվել: Այնուհետեւ ամուսնությունների գրանցումը վերսկսվել է, բայց երեք հոգու ներկայությամբ: Հուլիսի 29-ից համաճարակային իրավիճակի փոփոխության պատճառով քաղաքապետարանը թույլ էր տվել հանդիսավոր գրանցումների մասնակիցների թիվը հասցնել 15-ի:

Շաբաթ առավոտյան Նովգորոդի շրջանում հայտնաբերվել է կորոնավիրուսային վարակի 7361 դեպք: 4 949 մարդ ապաքինվել է, 87-ը՝ մահացել: