Պետրոսյանը և Սարգսյանը Grand Swiss-ի առաջատարներից ետ են կեսական միավորով

Հայաստանը ներկայացնող շախմատիստներից Մանուէլ Պետրոսյանը և Գաբրիել Սարգսյանը Grand Swiss-ի առաջատարներին զիջում են կեսական միավոր: 

 Լատվիայի մայրաքաղաք Ռիգայում ընթացող մրցաշարի 5-րդ տուրից հետո Մանուէլ Պետրոսյանը և Գաբրիել Սարգսյանն ունեն 3,5-ական միավոր: Առաջատարներն ունեն 4 միավոր: Լևոն Արոնյանը և Ռոբերտ Հովհաննիսյանը հավաքել են 3-ական միավոր:

Կանանց պայքարում Աննա Սարգսյանը 2,5 միավորով 22-րդն է, իսկ Էլինա Դանիելյանը՝ 1,5 միավորով 45-րդը:

Տղամարդկանց և կանանց մրցաշարերի հաղթողները իրավունք կնվաճեն մասնակցելու աշխարհի առաջնության ընտրական մրցապայքարին։ Մրցաշարերը, որոնք տեղի են ունենում Լատվիայի մայրաքաղաք Ռիգայում, կավարտվեն նոյեմբերի 9-ին: