Պերուի նախկին նախագահին սպառնում է մինչև 20 տարվա ազատազրկում
Պերուի պաշտոնանկ արված նախկին նախագահին մեղադրանք է առաջադրվել ապստամբություն կազմակերպելու մեջ։ Այս մասին չորեքշաբթի հայտնել է El Comercio թերթը ։
Հրատարակության համաձայն՝ Կաստիլյոն ներկայումս կալանավորված է ոստիկանության կողմից և 10 օրով գտնվում է քննչական մեկուսարանում՝ մի շարք հանցագործությունների կատարման մեղադրանքով։ Դրանցից ամենալուրջը ապստամբության փորձն է (Պերուի քրեական օրենսգրքի 346-րդ հոդված), որը նախատեսում է 10-ից 20 տարվա ազատազրկում: Բացի այդ, երկրի նախկին ղեկավարին մեղադրում են իշխանության չարաշահման և հասարակական խաղաղության խախտման մեջ։ Պաշտոնանկ արված նախագահը հայտնվում է նաև մի շարք քրեական գործերում՝ կապված իր պաշտոնավարման ընթացքում հարուցված կոռուպցիոն հանցագործությունների հետ։
Չորեքշաբթի օրը Կաստիլյոն խորհրդարանի կողմից հեռացվեց իշխանությունից, մինչդեռ նախագահն ինքը հայտարարեց Կոնգրեսը (խորհրդարանը) ցրելու և երկրում պարետային ժամ մտցնելու մասին։ Օրենսդիրները չեղարկել են քվեարկությունը և հաստատել են պետության ղեկավարի հրաժարականը։ Զինվորականներն ու ոստիկանությունը հանդես են եկել ի պաշտպանություն Կոնգրեսի: Դրանից անմիջապես հետո Պերուի առաջին փոխնախագահ Դինա Բոլուարտեն երդվել է որպես պետության ղեկավար:
Կարծիքներ