Լա լիգա․ Ռեալը հաղթեց Ալավեսին ու վերադարձրեց 4 միավորի առավելությունը
Ֆուտբոլի Իսպանիայի առաջնության 35-րդ տուրի շրջանակում «Ռեալը» «Ալֆրեդո դի Ստեֆանո» ստադիոնում ընդունել էր «Ալավեսին»։
Զինեդին Զիդանի գլխավորած թիմը առանց խնդիրների կարողացավ առավելության հասնել մրցակցի նկատմամբ։ Հանդիպման 11-րդ րոպեին Կարիմ Բենզեման առաջ մղեց «Ռեալին»՝ անվրեպ իրացնելով 11-մետրանոց հարվածը։
Երկրորդ կեսի մեկնարկում Կարիմ Բենզեմայի փոխանցումից հետո գոլի հեղինակ դարձավ Մարկո Ասենսիոն։ Մադրիդյան թիմը հաղթեց մրցակցին 2-0 հաշվով։
Այս արդյունքից հետո «Ռեալը» միավորների քանակը հասցնում է 80-ի ու վերադարձնում է 4 միավորի առավելությունը «Բարսելոնայի» նկատմամբ ու շարունակում է գլխավորել մրցաշարային աղյուսակը։
Կարծիքներ