Ամենայն հայոց կաթողիկոսը և Տիգրան Ավինյանը երևանցիների հոգևոր կյանքի պատշաճ կազմակերպման վերաբերյալ հարցեր են քննարկել
Ապրիլի 12-ին Մայր Աթոռ Սուրբ Էջմիածնում Ն.Ս.Օ.Տ.Տ. Գարեգին Երկրորդ Ծայրագույն Պատրիարք և Ամենայն հայոց կաթողիկոսն ընդունել է Երևանի փոխքաղաքապետ Տիգրան Ավինյանին։
Հանդիպմանն անդրադարձ է կատարվել քաղաքամայր Երևանում Հայոց եկեղեցու առաքելության արդյունավորմանն ի նպաստ ձեռնարկվող քայլերին, մասնավորապես եկեղեցիների և եկեղեցական կառույցների բարվոք պահպանման և տարածքների բարեկարգման խնդիրներին։
Այս առումով կարևորվել է գործակցությունը քաղաքապետարանի հետ՝ ապահովելու երևանցիների հոգևոր կյանքի պատշաճ կազմակերպումը։
Կարծիքներ