Արագիլի 5 ձագ փրկվել է հրդեհից
Օրերս Բնապահպանության և ընդերքի տեսչական մարմնի Արարատի տարածքային բաժին ահազանգ էր ստացվել։ ՀՀ Արարատի մարզի Հայանիստ համայնքի բնակչուհի Հ․Զաքարյանը տեղեկացրել էր, որ իր տան մոտ գտնվող հենասյունը հրդեհվել է, այրվել էր նաև հենասյան վրա գտնվող արագիլների բույնը։ Այս մասին հայտնում են Տեսչական մարմնից:
Աշխատակիցներն ամիջապես մեկնել էին դեպքի վայր և հայտնաբերել անօգնական վիճակում հայտնված արագիլի 5 ձագ։
Թռչունների անվտանգությունն ապահովելու նպատակով Տեսչական մարմնի աշխատակիցները նրանց տեղափոխել են մասնագիտացված վերականգնողական կառույց՝ «Զօօ Ֆաունա Արտ» ՍՊԸ:
Կարծիքներ