Թուրքիան վարժանքներ կանցկացնի Միջերկրական ծովի արևելյան մասում, որտեղ ԱՄՆ-ը ռազմանավեր է ուղարկել

Թուրքիայի ռազմածովային ուժերը ծրագրում են զորավարժություններ անցկացնել Արևելյան Միջերկրական ծովում, որտեղ ավելի վաղ ԱՄՆ-ը երկու ռազմանավ էր ուղարկել պաղեստինա-իսրայելական հակամարտության հետ կապված։ Այս մասին հայտնում է Yeni afak թերթը։

Հրատարակության տվյալներով՝ զորավարժությունները տեղի կունենան հոկտեմբերի 16-20-ը։ Բացի այդ, հոկտեմբերի 23-ից 27-ը զորավարժություններ կանցկացվեն նաև համաշխարհային հանրության կողմից չճանաչված և միայն Անկարայի կողմից ճանաչված Հյուսիսային Կիպրոսի ինքնահռչակ թուրքական հանրապետության զինվորականների հետ համատեղ։

Ավելի վաղ ԱՄՆ նավատորմի ուժերի հրամանատարությունը հայտնել էր, որ ամերիկյան «Դուայթ Էյզենհաուեր» ավիակիրը հոկտեմբերի 14-ին մեկնել է ԱՄՆ Եվրոպական հրամանատարության պատասխանատվության տարածք, որտեղ կմիանա «Ջերալդ Ֆորդ» ավիակրին, որն արդեն ժամանել է շրջան։ Նա կաշխատի դաշնակիցների և գործընկերների հետ՝ աջակցելու ծովային կարողություններին, ներառյալ ծովային դիվանագիտությունը և կառավարության ջանքերը՝ Միացյալ Նահանգների և նրա դաշնակիցների համար ծովային համապարփակ հզորություն ստեղծելու համար:

Ավելի ուշ ABC-ն, հղում անելով ԱՄՆ կառավարության աղբյուրներին, հաստատել է, որ «Դուայթ Էյզենհաուեր» նավը շարժվել է դեպի արևելյան Միջերկրական ծով: Երկրորդ հարվածակիր խմբի խնդիրն է լինելու զսպել Իրանին և Հեզբոլլահի շարժումը և թույլ չտալ նրանց միանալ իսրայելա-պաղեստինյան հակամարտությանը, բացատրել են հեռուստաալիքի զրուցակիցները։