Անտարկտիդայի սառույցների տակ զարմանալի օրգանիզմներ են հայտնաբերվել

Գիտնականների միջազգային խումբը Անտարկտիդայի սառույցների տակ կյանքի անսպասելի բազմազանություն է հայտնաբերել, որը, պարզվել է, շատ ավելի հարուստ է, քան նախկինում ենթադրվում էր: Այս մասին տեղեկացնում է Phys.org պորտալը:

Նշվում է, որ մասնագետները 900 մետր սառույց են փորել Ուելդել ծովի հարավ-արևելքում գտնվող Ֆիլչներ-Ռոնի սառցադաշտի վրա: Այն տեղակայված է բաց օվկիանոսից 260 կմ հեռավորության վրա, որտեղ խորքերում տիրում է լիակատար խավար, իսկ ջերմաստիճանը ՝ -2,2 ° C է:

Նախկինում նման պայմաններում շատ քիչ կենդանի արարածներ էին հայտնաբերվում, բայց այս անգամ հայտնաբերվել են սպունգին նմանող օրգանիզմներ և, հնարավոր է, նախկինում անհայտ տեսակների ներկայացուցիչներ:

Հաշվի առնելով այս տարածաշրջանում առկա հոսանքները, մասնագետները հաշվարկել են, որ այս ստորջրյա համայնքը կարող է տեղակայվել ֆոտոսինթեզի մոտակա աղբյուրից մինչև 1,5 հազար կմ հեռավորության վրա:

Ուսումնասիրության ընթացքում գիտնականներին 2 «անակնկալ» էր սպասվում: Առաջինն այն էր, որ երկրաբանների խումբը, փորելով սառույցը, օվկիանոսի հատակի տիղմի փոխարեն ժայռի է բախվել: Բայց երկրորդը նրանց շատ ավելի է զարմացրել. Նրանք հանդիպել են տարօրինակ արարածներով ծածկված մեծ քարի:

Նման դժվարամատչելի վայրում օրգանիզմներ ուսումնասիրելու համար բևեռային գիտնականները ստիպված կլինեն նոր մեթոդներ գտնել: