Ավելի քան 400 մարդ ձերբակալվել է Բրազիլիայում ջարդերին մասնակցելու համար
Կիրակի օրը Բրազիլիայում անկարգություններին մասնակցելու համար ավելի քան 400 մարդ է բերման ենթարկվել, հայտնել է դաշնային շրջանի նահանգապետ Իբանես Ռոչան։
«Տեղեկացնում եմ ձեզ, որ կալանավորվել է ավելի քան 400 մարդ, ովքեր կվճարեն կատարված հանցագործությունների համար: Մենք շարունակում ենք աշխատանքը՝ բացահայտելու այս ահաբեկչական գործողությունների մյուս բոլոր մասնակիցներին, որոնք տեղի ունեցան Դաշնային շրջանում այսօր [հունվարի 8-ին] կեսօրից հետո»: նա գրել է Twitter-ում՝ խոստանալով վերականգնել հասարակական կարգը։
Նահանգապետն ավելի վաղ տեսաուղերձ էր հրապարակել, որում ներողություն էր խնդրում նախագահ Լուիս Ինասիո Լուլա դա Սիլվայից, ինչպես նաև երկրի օրենսդիր և դատական իշխանությունների ղեկավարներից՝ նախկին նախագահ Ժաիր Բոլսոնարոյի կողմնակիցների կողմից իրականացված ջարդերի համար։
Կարծիքներ